Hoër Meisieskool Paarl          Girls’ High School   Since 1876 Developed by ACH&SS - 2011   Hierdie unieke groep is in 2007 deur een van HMS se Gr 9-leerders gestig. Hierdie groep bestaan steeds na twee jaar en is vandag meer en meer betrokke by uitreike in die gemeenskap. Hul hoofdoel is om Jesus se Naam te versprei en die evangelie te verkondig. HMS se Re@ch Out groep is ongelooflik opgewonde om deel te wees van een van die ATKV se projekte, genaamd DIE HANDEVAT PROJEK. Hierdie projek behels die samewerking tussen twee skole, waar daar gefokus word op 'n projek by 'n minderbevoorregte skool of -gemeenskap. HMS se Re@ch Out groep het besluit om met Klein Nederburg in die Paal te skakel en is na 'n lang keuringsproses met baie vereistes goedgekeur om op te tree as een van die deelnemende skole van hierdie projek. Re@ch Out gaan dan saam met Klein Nederburg betrokke wees by 'n Gemeenskapsprojek in die Paarl. Die kerkgroep, Miglat, is besig om 'n ou nagklub in Paarl-Oos te omskep in 'n nuwe Gemeenskapsentrum. Hierdie sentrum sluit onder andere fasiliteite soos 'n biblioteek, kafeteria, internetkafee en Virgin Active in. Daar word ook 'n nasorgsentrum geopen waar kinders veilig na skool kan studeer en vir hulle ouers wag. As projekspan het die kleingroep besluit om die kafeteria en biblioteek onder hande te neem. Die groep is dus verantwoordelik vir die versiering ens van hierdie twee dele van die gebou. Die oorspronklike begroting vir hierdie projek was R 17 000 en na die goedkeuring van die ATKV het HMS se Re@ch Out R5000 kapitaal ontvang om hul te help. Nadat die groep ook aansoek gedoen het om 'n skenking by die Strooidakkerk, is R12 000 aan die groep toegestaan.          Reach Out